లినక్సులో కమాండులను టైపు చేసినప్పుడు ./ ను తరచూ వాడుతుంటాము. కొత్తగా లినక్స్ వాడేవారికి ఇది వింతగా అనవసరంగా అనిపించవచ్చు. కానీ ఇది ఎంతో ఉపయోగకరం.
లినక్స్ లో కమాండులు రెండు రకాలు - అంతర్గతం మరియు ఆడించేవి. alias, cd, echo, kill, ls మరియు pwd వంటివి షెల్ లో అంతర్గతాలు అందువలన షెల్ వీటిని గుర్తించి ఆడించగలదు. కానీ ఆడించదగ్గ అంతర్గతం కాని కమాండులు ఆడించాలంటే వాటి జాడను షెల్ గుర్తించాలి.
షెల్ అనేది పాఠ్యం ద్వారా ఇచ్చే ఆజ్ఞలను ఆడించే ఒక ఉపకరణం.
షెల్ కు కమాండ్లు ఎక్కడ ఉన్నాయో గుర్తించేందుకు PATH అనే ఒక దత్తాంశం ఉంటుంది. ఈ PATH లో లేని డైరెక్టారీని వాడే సందర్భంలో ఆ ప్రోగ్రాం టెర్మినల్ ఉన్న డైరెక్టరీలో ఉండగా ఈ ./ ను వాదవచ్చు.
ఉదాహరణకు run-this అనే ఆడించదగ్గ కార్యక్రమం ప్రస్తుత డైరెక్టరీలో ఉంటే, దానిని ఆడించేందుకు ./run-this అని కమాండ్ లైన్ లో టైప్ చేస్తే సరిపోతుంది.
No comments:
Post a Comment